Tag Archive for 'bears'
Koala: L-għodwa t-tajba, annimal sabiħ. Int x’jismek?
Grizzly: Lili l-bnedmin igħiduli ors Grizzly, u int?
Koala: Jiena ors Koala. Inti fejn kont toqgħod?
Grizzly: Qabel ma ġejt hawn jien kont noqgħod ġo foresta kbira mhux ħażin. Int minn fejn ġej?
Koala: Jiena kont noqgħod fl-Awstralja.
Grizzly: Int x’tiekol?
Koala: Jien niekol il-weraq ta’ l-”eucalyptus”. Niekol xi nofs kilo weraq kuljum, u int?
Grizzly: Jien ma nikolx weraq biss imma nħobb niekol il-laħam, ħaxix u anke ħut. Nixrob ħafna ilma. Meta kont fil-foresta kont niekol xi għasel li nsib mas-siġar u naqbad il-ħut mix-xmajjar.
Koala: Illajs kemm tiekol int! Jien ma nixrobx ilma għax l-ilma li għandi bżonn nieħdu mill-weraq tal-”eucalyptus”.
Grizzly: Xi dwejjaq hawn fil-gaġġa? Aħjar fejn konna, x’taħseb?
Koala: Fejn kont ngħix jien, kien ikun hemm ħafna nar speċjalment fis-Sajf għax isir ħafna vandaliżmu. Ikun hemm in-nies u jqabbdu n-nar u aħna dalwaqt ninqerdu. Mhux veru?
Grizzly: Għandek raġun. Mela minħabba f’hekk qegħdin iz-zoo. Aħna wkoll jaqbduna ħafna nies. Nafu nkunu feroċi u nattakkaw anke n-nies jekk idejquna. Aħna nikbru ħafna, iktar mill-bnedmin.
Koala: Aħna nibqgħu żgħar. Ara, ġejjin in-nies ikuna nieklu. Oqgħod kwiet!
Grizzly: Iva, veru sewwa qed tgħid. Ejja nieklu, imbagħad inkomplu niddiskutu wara. Kemm għandi ġuħ!
Jean-Paul Vella – Year 5B
Ors panda: Bonġu grizzly!
Ors grizzly: Bonġu panda! Kif int dalgħodu?
Ors panda: Tajjeb grazzi, għadni kemm qomt minn raqda tajba. U int?
Ors grizzly: Jien ukoll għax ma kellix aptit inqum.
Ors panda: Trid immorru nsibu x’nieklu.
Ors grizzly: Iva għax qomt bil-ġuħ.
Ors panda: Ara dik siġra tajba għall-ikel, fiha weraq aħdar u sbieħ.
Ors grizzly: Veru weraq sabiħ. Jien se nersaq lejn ix-xmara forsi naqbad xi ħuta.
Ors panda: Iva mur, issa niġi x’ħin niekol.
Ors grizzly: Owkey imbagħad noqogħdu nilagħbu flimkien.
Wara ftit tal-ħin l-ors u l-panda reġgħu ltaqgħu.
Ors panda: Grizzly qbadt xi ħuta?
Ors grizzly: Iva qbadt tnejn u kilthom ukoll.
Ors panda: Immorru nilagħbu issa jew baqagħlek il-ġuħ?
Ors grizzly: Biżżejjed, imxi niġru ħalli jinżlilna l-ikel.
Ors panda: Kemm sar ħin grizzly!
Ors grizzly: Indunajt għax erġajt fjakkajt.
Ors panda: Anke jien. Issa nieklu ikla u norqdu raqda.
Ors grizzly: Iva hekk nagħmlu.
Ors panda: Sejjer, narak wara li nqum. Saħħa!
Ors grizzly: Narak, saħħa!
Yanica Bugeja
Ors Koala: Bonġu ors Grizzly! Kif qomt dalgħodu?
Ors Grizzly: Bonġu Ors Koala, Jiena qomt mhux ħażin
dalghodu.
Ors Koala: X’ġurnata sabiħa ħarġet lum.
Ors Grizzly: Ħutek kif inhuma? Illi daqsxejn ma narahom.
Ors Koala: Mhux Ħazin. Dan l-aħħar ħija Drew kien daqxejn ma jiflaħx.
Ors Grizzly: Issa kif inhu? Għaddielu xi naqra?
Ors Koala: Issa kollox għada b’wiċċ l ġid u Drew reġġa ingħaqad magħna.
Ors Grizzly: Ara kemm fraħħtu bih x’ħin erġajtu rajtuh lura magħkhom mela?
Ors Koala: U żgur fraħna bih ħafna, il-għaliex konna qegħdin nibżgħu li mhux se nerġgħu narawh, għax kien ma jiflaħx ħafna.
Ors Grizzly: Xi ħlew xi ġmiel ta’ familja magħquda. Aħna dan l-aħħar kollha nfridna, lil ħadd m’għadni nara.
Ors Koala: Jiddispjaċini li m’ għadkhomx tiltaqgħu forsi ma ddumx ma tarġa` tarahom.
Ors Grizzy: Min fommok ’l Alla jaħasra kemm nixtieq insir naf x’sar minnhom, imma hawn tant hu kbir li impossibli li
nerġgħu niltaqgħu isa. Sellili ħafna għal ħutek.
Ors Koala: Inservik! Nawguralek li ma ddumx ma tiltaqa’ ma ħutek. Saħħa Ors Grizzly
Ors Grizzly: Saħħa Ors Koala. IL-vjaġġ it-tajjeb. 
drawing
